ҮӨҺЭЭ БҮЛҮҮГЭ ДЬҮӨГЭЛЭР ТҮМҮСТҮЛЭР
Бүгүн, балаҕан ыйын 25 күнүгэр, оройуоннааҕы култуура дьиэтигэр «Подруги-дьүөгэлэр» диэн Үөһээ Бүлүү улууһун дьахталларын бастакы форума буола ааста. Киэҥ ыҥырыылаах мунньахха 15 нэһилиэктэн кытыннылар.
Үөһээ Бүлүү бөһүөлэгэр буолбут дьахталлар тэрээһиннэрэ сарсыардаттан саҕаланна. Араас эйгэ исписэлиистэрэ кэрэ аҥардарга консультациялары ыыттылар. Биирдиилээн дьон юрист, психолог өҥөлөрүнэн туһаннылар. Кыбытык тигиигэ, таҥаска уруһуйга о.д.а. маастар-кылаастар ыытылыннылар.
«ХХI үйэ биисинэһэ» тиэмэ киэҥ сэҥээриини ылла.
Улуус баһылыгын солбуйааччылара Семен Михалев, Люция Тойтонова, үөрэх управлениетыттан Людмила Алексеева, акушер-гинеколог Александра Колесова, улууска соҕотох дьахтар баһылык Христина Поротова, нэһилиэктэр бэрэстэбиитэллэрэ о.д.а. мунньахха кыттыстылар. Оҕо иитиитэ, арыгылааһын, дьиэ кэргэн экэниэмикэтэ, дьахтар доруобуйата, бииргэ уһуннук олоруу о.д.а. тиэмэлэргэ аһаҕас кэпсэтиилэр буоллулар.
Улуус дьахталларын Сэбиэтин бэрэссэдээтэлэ Светлана Иванова маннык дьаһал дьахтар аймахха наадалааҕын, өссө да ыытыллыаҕын, ону кытта нэһилиэктэринэн түмсүүлэр үлэлэрэ сөргүтүллүөхтээҕин туһунан эттэ.
http://ulus.media/2018/09/25/ee-b-l-ge-d-geler-t-m-st-ler/
Мария ВАСИЛЬЕВА
Загрузка ...